Հայ-ատրպէյճանական Սահմանին Երէկ Գշեր Պահպանուած է Յարաբերական Անդորր

Հայ-ատրպէյճանական սահմանին, Յուլիս 19 լոյս 20-ին, ինչպէս նաեւ այս պահուն, պահպանուած է յարաբերական անդորր։ Այս մասին ԵՌԱԳՈՅՆ-ը կը տեղեկանայ
ՊՆ մամուլի խօսնակ Շուշան Ստեփանեանի Facebook-ի էջէն։

Հակառակորդը սահմանի առանձին հատուածներու վրայ՝ հրաձգային զինատեսակներով՝ խախտած է հրադադարը 9 անգամ` հայկական դիրքերու ուղղութեամբ արձակելով շուրջ 137 կրակոց:

Ճամբարակի ուղղութեամբ տեղակայուած մարտական դիրքեր՝ 2 անգամ, ընդ որուն հակառակորդը կիրառած է ՀԱՆ-17 տիպի նռնականետ։ Հայկական կողմի պատասխան կրակով հակառակորդը լռեցուած է։

Չինարի, Ներքին Կարմիրաղբիւր, Բերքաբեր, Բերդավան ուղղութեամբ տեղակայուած մարտական դիրքեր՝ ոչ նպատակային կրակ վարուած է 4 անգամ։ Հայկական կողմէն պատասխան կրակ չէ եղած։

Խնձորուտի ուղղութեամբ տեղակայուած մարտական դիրքեր՝ ոչ նպատակային կրակ վարուած է 2 անգամ։ Հայկական կողմէն պատասխան կրակ չէ եղած։

Պարոյր Սեւակի ուղղութեամբ տեղակայուած մարտական դիրքեր՝ մէկ անգամ։ Հայկական կողմի պատասխան կրակով հակառակորդը լռեցուած է։