Հայաստանի Մարդասիրական Առաքելութիւն Իրականացնող 4-րդ Խումբի Սակրաւորները Մայիսին 17,471 քմ Ականապատ Տարածք Ականազերծած են
Հայաստանի մարդասիրական առաքելութիւն իրականացնող 4-րդ խումբի սակրաւորները, Մայիսին, ականազերծած են 17,471 քառակուսի մեթր ականապատ տարածք, որուն ընթացքին յայտնաբերուած են կազի շիշի կիրառումով ինքնաշէն արկեր, 18 հատ ՊՄՆ-2 տեսակի հակահետեւակային ականներ: Այս մասին ԵՌԱԳՈՅՆ-ը կը տեղեկանայ «Հումանիտար ականազերծման եւ փորձագիտական կեդրոն» ՊՈԱԿ-էն։
Այսպիսով, առաքելութեան առաջին իսկ օրէն ականազերծուած է ընդհանուր 170,209 քառակուսի մեթր, որմէ սուրիական իշխանութիւններուն հաւաստագրերով յանձնուած է 142,000 քառակուսի մեթր:
4-րդ խումբի բժիշկները, Մայիսին, համաճարակային
սահմանափակումներու պայմաններով, բուժօգնութիւն ցուցաբերած են 549 տեղաբնակի: Այսպիսով, Հայաստանի
մարդասիրական խումբը 2019 Փետրուարէն մինչեւ օրս բուժօգնութիւն ցուցաբերած է ընդհանուր 12,584 հիւանդի:
Միեւնոյն ժամանակ, Յունիս 1-ին,
Սուրիոյ մէջ մարդասիրական առաքելութիւն իրականացնող խումբի մասնագէտները Հալէպի ազգային
պատսպարանի ՀԱՅ ԾԵՐԱՆՈՑ-ին եւ Հայ համայնքի մանկատան փոխանցած են «Մի բուռ ժպիտ» խորագիրը կրող շարժման ընթացքին հաւաքուած նուէրները: