Ստեփանակերտի քաղաքապետ ընտրուած է Դաւիթ Սարգսեան. ԿԸՅ Նախնական Տուեալները

Արցախի մայրաքաղաք Ստեփանակերտի մէջ Սեպտեմբեր 8-ին տեղի ունեցած քաղաքապետի ընտրութիւններուն նախնական արդունքներով քաղաքապետ ընտրուած է Դաւիթ Սարգսեանը:

Արցախի ԿԸՅ տուեալներուն համաձայն՝ շուրջ 39 հազար ընտրողներէն քուէարկութեան մասնակցած է 21 հազարը: Դաւիթ Սարգսեան ստացած է 7787 ձայն, երկրորդ ամէնէն շատ քուէները ստացած է Գրիգորի Սահակեանը (4765 ձայն): Երրորդ տեղը Արեգ Աւագեանն է (3125), 4-րդը՝ Արմէն Յակոբեանը (3059), 5-րդը Արայիկ Աւանեսեանը (2108):

Վերջինս առաջադրուած է «Ինքնութիւն եւ միասնութիւն» կուսակցութեան կողմէ, իսկ մնացած 4 թեկնածուները ինքնաառաջադրուածներ են:

Դաւիթ Սարգսեան անկուսակցական է, «Քոնսալթ ՖԻՆԱՆՍ Գրուպ» ընկերութեան հիմնադիր տնօրէն, Արցախի Քիք-պոքսինկի ֆետերասիոնի նախագահ:

Նշենք, որ Արցախի 228 համայնքուն եւ մայրաքաղաք Ստեփանակերտի մէջ առաջադրած են 415 թեկնածուներ:

Ըստ Արցախի կեդրոնական ընտրական յանձնաժողովի տուեալներուն, ժամը 20.00-ի դրութեամբ Արցախի ՏԻՄ ընտրութիւններուն մասնակցած է 67326 ընտրող: