ՈԻԵՖԱ-ն Հայաստանի մէջ Պիտի Կառուցէ Արհեստական Խոտածածկով 76 Մարզադաշտ

Աշխարհ, Հայաստան

ՈՒԵՖԱ-ի նախագահ Ալեքսանտր Չեֆերին Հայաստանի վարչապետ Նիկոլ Փաշինեանի հետ քննարկած է մեր երկրին մէջ ֆութպոլի զարգացման ուղղուած շարք մը հարցեր:

Չեֆերին գոհ է ՀՖՖ-ի հետ համագործակցութեամբ եւ նշած, որ իրենք պիտի շարունակեն նպաստել Հայաստանի մէջ ֆութպոլի զարգացման, որ կը ներառէ նաեւ ենթակառուցուածքներու բարելաւում:

ՈՒԵՖԱ-ի աջակցութեամբ կը նախատեսուի այս տարի Հայաստանի մարզերուն մէջ կառուցել արհեստական խոտածածկով 76 խաղադաշտեր, ՀՖՖ-ին ապահովել անհրաժեշտ մարզական գոյքով, ծրագիրներ իրականացնել ֆութպոլի փակ դաշտի եւ կանանց ֆութպոլի զարգացման ուղղութեամբ:

Փաշինեան համոզում յայտնած է, որ Չեֆերինի այցը պիտի նպաստէ ՀՖՖ-ի հետ փոխգործակցութեան նոր ծրագիրներու քննարկման ու իրականացման, ինչպէս օրինակ` Հայաստանի մէջ ազգային մարզադաշտի կառուցման ուղղութեամբ: