Հայ Յեղափոխական Դաշնակցութիւնը Վշտակցութիւն եւ Զօրակցութիւն Կը Յայտնէ Ֆրանսային
Փարիզի Աստուածամօր տաճարին պատուհասած ողբերգական դէպքին կապակցութեամբ՝ Հայ Յեղափոխական Դաշնակցութիւնը իր վշտակցութիւնն ու զօրակցութիւնը կը յայտնէ Ֆրանսայի բարեկամ ժողովրդին եւ իշխանութիւններուն:
Ֆրանսան յայտնի է ամէնուր համամարդկային մշակութային յուշարձաններու հանդէպ ցուցաբերած մեծագոյն յարգանքով ու խնամակալութեամբ: Հաւանաբար այդ է նաեւ պատճառներէն մէկը, որ անկախ կրօնական համոզմունքներէն ամբողջ աշխարհը զօրավիգ է Ֆրանսայի ժողովուրդին՝ դժբախտութիւնը դիմագրաւելու համար:
Լիայոյս ենք, որ աշխարհի տարբեր կողմերէն մէկտեղուած ջանքերուն իբրեւ արդիւնք Աստուածամօր տաճարը կրկին վեր պիտի յառնի իր ամբողջ վեհութեամբ, իբրեւ համաշխարհային խորհրդանիշ Քրիստոնէական հաւատի եւ ֆրանսական մշակութային ժառանգութեան:
ՀՅԴ հանրային կապերու գրասենեակ
16.04.2019