ՀՀ ԱԺ Պատգամաւորը Ոսկէ Մետալ Նուաճած է

Յունահռոմէական ոճի ըմբշամարտի Հայաստանի ազգային հաւաքականը Ֆրանսայի Նիս քաղաքին մէջ մասնակցած է նոր մրցաշրջանի առաջին միջազգային մրցաշարին:

Ըստ «Առաւօտ»-ի՝ մեր ըմբիշները գօտեմարտած են եօթը քաշային կարգի մէջ, որմէ վեցին բարձրացած են պատուոյ պատուանդան:

Ոսկէ մետալ նուաճած են ԱԺ նորընտիր պատգամաւոր, ողիմպիական խաղերու արծաթէ մետալակիր, աշխարհի ախոյեան Արսէն Ջուլֆալակեանը՝ 77 քկ քաշային կարգ, Ռուտիկ Մկրտչեանը՝ 55 քկ, Կարէն Ասլանեանը՝ 67 քկ եւ Հրանդ Կալաչեանը՝ 72 քկ, պրոնզ՝ Գէորգ Ղարիբեանը՝ 60 քկ ու Արթուր Շահինեանը՝ 97 քկ: