Եգիպտացի Երգիչը Լոնտոնի Կեդրոնական Հրապարակին Վրայ Կատարած է «Նազանի» Երգը

Եգիպտացի երգիչ Համզա Նեմիրան Լոնտոնի Թրաֆալգարեան հրապարակին վրայ երգած է Սայաթ Նովայի «Նազանի» երգը:

«Արմենփրես»-ի հաղորդմամբ` Alaraby TV արաբական հեռուստաալիքով, որ կը հեռարձակուի Լոնտոնէն, ան ունի սեփական Remix հաղորդումը, ուր ան կը ներկայացնէ շարք  մը արաբական երկիրներու տարբեր ժողովրդային երգացանկերէ ընտրուած երգերու կարեւորութիւնը:

Սակայն այս անգամ, ան փոփոխուած տարբերակով կ՛երգէ հայկական երգ:

Տեսանիւթին մէջ Նեմիրան կը ճանապարհորդ է երկրին մէջ եւ կը պատմէ իր ամենատարածուած երգին մասին:

Համզան ֆէյսպուքի մէջ հրապարակած է Թրաֆալգարեան հրապարակին վրայ իր կատարումով «Նազանի» երգը, որ վերնագրած է՝ «Հայկական ժողովրդական բանահիւսութեան «Նազանի»-ն remix տարբերակով»:

Համզա Նեմիրան եգիպտացի երգիչ, երգահան է, որ ֆէյսպուքի մէջ ունի աւելի քան 5.5 միլիոն հետեւորդ: