Հայ Երգչուհիին Կատարումը Ոգեւորած է Հնդկաստանի Վարչապետը

Հնդկաստանի վարչապետ Նարենտրա Մոտին «Թուիթըր»-ի իր էջին մէջ տեղադրած տեսահոլովակ մը․ ուր Մաշայ Մնջոյեան կը կատարէ Մահաթմա Կանտիի ամենասիրած երգերէն մէկը` հայկական երաժշտական գործիքներու կատարմամբ:

Ինչպէս կը հաղորդէ «Արմենփրես»-ը, Նարենտրա Մոտին տեսայոլովակին կից գրած է. «Հիանալի կ՛երգէ Մաշայ Մնջոյեանը: Վայելեցէք Խոր Վիրապ եկեղեցւոյ եւ Արարատ լերան հիանալի համապատկերը: Օգտագործուած են նաեւ տեղական ազգային գործիքներ տուտուկն ու բլուլը»:

 

Երգը, զոր կը կատարէ Մաշայ Մնջոյեանը,  Մահաթմա Կանտիի ամենասիրած երգերէն է: Մահաթմա Կանտիի ծննդեան 150-ամեայ յոբելեանի առիթով` Հնդկաստանի կառավարութիւնը նախաձեռնած է աշխարհի 100-էն աւելի երկիրներէ երգիչներու կողմէ իրենց լեզուներով եւ ազգային երաժշտական գործիքներով երգի ձայնագրումը: Այդ բոլոր լեզուներով երգի կատարաումները մէկ տեսահոլովակով ցուցադրուած է Հնդկաստանի հեռուսատեսութեամբ Հոկտեմբեր 2-ին: Մահաթմա Կանտիի ծննդեան 150-ամեակը կը լրանայ 2019-ի Հոկտեմբեր 2-ին: Երգի ձայնագրութիւնը իրականացուած է Հնդկաստանի դեսպանութեան հովանաւորութեամբ: