Հայկական «Պլանշէթ»-ներու Արտադրութիւնը Աճած է 6.6 Անգամ

ՀՀ վիճակագրական կոմիտէի հրապարակած տուեալներուն համաձայն՝ Հայաստանի մէջ 2018 Յունուար-Յուլիսին արտադրուած է  724 համակարգիչ, որ 2017-ի նոյն ժամանակահատուածին համեմատ աճած է 2.2 անգամ:

2017 Յունուար-Յուլիսին հանրապետութեան մէջ արտադրուած է 322 համակարգիչ:

Ըստ վիճակագրութեան՝  Հայաստանի մէջ այս տարուան եօթը ամիսներուն արտադրուած է 364 «պլանշէթ»՝  2017-ի նոյն ժամանակահատուածի համեմատ աճելով 6.6 անգամ:

Վիճակագրութեան համաձայն՝ այս տարի հայկական հեռախօսներ չեն արտադրուած, իսկ 2017 Յունուար-Յուլիսին, Հայաստանի մէջ, արտադրուած է 330 բջիջային հեռախօս:

Նշենք, որ հայկական հեռախօսներու՝ «Արմֆոն»-ի (Armphone) վաճառքը սկսած է 2016 Յունիսին:

Յիշեցնենք, որ ՀՀ կառավարութեան Յուլիս 4-ի նիստին, վարչապետ Նիկոլ Փաշինեան կոչ ըրած էր բոլոր քաղաքացիներուն, գնումներ ընելու ընթացքին նախապատուութիւն տալ հայկական արտադրութեան: «Ատիկա ե՛ւ հաճելի է, ե՛ւ շահաւէտ, ե՛ւ կը մեծցնէ տեղական արտադրութեան ու արտադրողներու հնարաւորութիւնները»,- ըսած էր վարչապետը: