Անկախութեան Տօնին Առիթով ՀՀ Նախագահը Պարգեւատրած է Խումբ մը Զինծառայողներ եւ Ազատամարտիկներ

Հայաստանի Հանրապետութեան անկախութեան 27-ամեակին առիթով՝ Հայաստանի Հանրապետութեան նախագահ Արմէն Սարգսեան պարգեւատրած է խումբ մը զինծառայողներ եւ ազատամարտիկներ:

ՀՀ նախագահի հրամանագիրով՝ Հայաստանի Հանրապետութեան Անկախութեան տօնին առիթով, ինչպէս նաեւ ծառայութեան ընթացքին ցուցաբերած խիզախութեան եւ նուիրումին համար՝ «Հայրենիքին մատուցած ծառայութիւններու համար» եւ մարտական ծառայութեան մետալով եւ Մխիթար Հերացիի մետալով պարգեւատրուած են հրամանատարներ, զօրավարներ, բժշկական ծառայութեան ղեկավարներ, տասնապետներ, հարիւրապետներ: