Աշոցքի Մէջ Դահուկային Նոր Կեդրոն Պիտի Բացուի
Յունուարին Աշոցքի մէջ պիտի բացուի դահուկային զբօսաշրջային բացառիկ կեդրոն:
«Արմենփրես»-ի մամուլի սրահին մէջ լրագրողներու հետ հանդիպման ժամանակ յայտնած է Հայաստանի դահուկային մարզանքի ֆետերասիոնի գլխաւոր քարտուղար Գագիկ Սարգսեան:
«Մենք Եւրոմիութենէն ֆինանսական աջակցութիւն ստացաշ ենք, եւ այնտեղ կը կառուցուի դահուկային փոքր կեդրոն, որ ունի մեծ հեռանկար: Պիտի փորձենք Աշոցքը դարձնել Հայաստանի դահուկային կեդրոններէն մէկը: Անիկա պիտի դառնայ ձմեռնային, արկածային զբօսաշրջութեան կեդրոն»,-շեշտած է ան: Վերջինիս խօսքով` այս ձեւով նաեւ զարկ պիտի տրուի մարզական զբօսաշրջութեան զարգացմանը:
Դահուկային կեդրոնի բացման արարողութիւնը տեղի պիտի ունենայ Յունուար 19-20-ին: