Փաշինեանը կը Փորձէ Հարուածի Տակ Դնել Հայ Առաքելական Եկեղեցւոյ Օրինականութիւնը. Ռոպերթ Ամսթերտամ
«Մենատէր» վարչապետը կ՝արգիլէ աշխարհի հնագոյն քրիստոնեայ ազգի հոգեւոր առաջնորդի տեղաշարժը: Այս մասին գրած է միջազգային իրաւապաշտպան, փաստաբան Ռոպերթ Ամսթերտամը։
«Քայլը կը յաջորդէ տնային կալանքի մէջ գտնուող Եկեղեցւոյ ամենահեղինակաւոր բարերարի՝ վարչապետի դէմ ընտրութիւններուն մասնակցելու յայտարարութեան:
Հայաստանի մէջ քրիստոնեաներու հալածանքներուն նկատմամբ Արեւմուտքի լռութիւնը որակուած է «ամօթալի»:
Աշխարհի հնագոյն քրիստոնեայ պետութեան եկեղեցւոյ առաջնորդին մեղադրանք յառաջադրուած է եւ արգիլուած է լքել երկիրը:
Հայ Առաքելական Եկեղեցւոյ Կաթողիկոս Գարեգին Բ-ին մեղադրանք յառաջադրուած է դատական ակտի կատարման խոչընդոտելու համար, որուն հետեւանքով անոր թոյլ չեն տուած մասնակցիլ այս շաբաթ Աւստրիոյ մէջ կայանալիք Եկեղեցական ներկայացուցչական կարեւոր ժողովին:
Ասիկա կը յաջորդէ Եկեղեցւոյ՝ հերթական Եպիսկոպոսաց ժողովը Հայաստանէն դուրս իրականացնելու որոշման՝ պայմանաւորուած կառավարութեան միջամտութեան վերաբերեալ աճող մտահոգութիւններով:
«Եկեղեցւոյ շուրջ վերջին զարգացումները» քննարկելու նպատակով հրաւիրուած Եպիսկոպոսաց ժողովը յետաձգուած էր «հոգեւորականութեան նկատմամբ ճնշումներուն եւ Հայաստանի ներքաղաքական խնդիրներուն պատճառով»: Եկեղեցական մեծ խորհուրդը Հայաստանէն դուրս իրականացնելու որոշումը բեկումնային քայլ է եւ կ՝արտացոլէ երկրին մէջ կրօնական ազատութիւններու վատթարացող վիճակը:
Հանդիպումը կը կայանայ Վիեննայի մօտակայքը գտնուող Սանկտ Փիոլդէն քաղաքին մէջ, քանի որ եպիսկոպոսները մտավախութիւն ունին, որ Հայաստանի մէջ միջոցառման իրականացման պարագային կրնան բախիլ ձերբակալութիւններու եւ քաղաքական միջամտության: Յարուցուած քրէական գործին պատճառով Կաթողիկոսը այժմ ստիպուած է մասնակցիլ Zoom-ի միջոցով:
Հայաստանի վարչապետ նիկոլ փաշինեանը ամիսներ շարունակ հրապարակաւ վարկաբեկած եւ յարձակումներ գործած է Կաթողիկոս Գարեգին Բ-ի նկատմամբ: Հայաստանի իշխանութիւնները կը ձերբակալեն հոգեւորականներն ու եկեղեցւոյ ազդեցիկ աջակիցները, ինչպէս նաեւ կը բռնագրաւեն գոյքը: Հայաստանի բազմաթիւ եպիսկոպոսներ ձերբակալուած են ուժայիններու կողմէ:
փաշինեանը նաեւ յայտարարած է, որ մտադիր է վերահսկողութիւն հաստատելու Հայաստանի խոշորագոյն կրօնական կազմակերպութեան նկատմամբ, բան մը, որ կը խախտէ Հայաստանի Հանրապետութեան Սահմանադրութեան 17-րդ յօդուածը:
Իր յայտարարութեան մէջ ՀՀ վարչապետ նիկոլ փաշինեանը նշած է, որ կառավարութիւնը պիտի ստանձնէ Հայ Առաքելական Եկեղեցւոյ կառավարումը եւ զայն պիտի փոխարինէ «իրական, մաքուր եւ պետականակեդրոն եկեղեցիով», որուն թոյլ չի տրուիր հակադրուիլ պետական շահին:
Եկեղեցւոյ ամենաազդեցիկ աջակիցը՝ բարերար Սամուէլ Կարապետեանը, կալանաւորուած է Եկեղեցւոյ անկախութեան աջակցելուն պատճառով: Սակայն ատիկա չէ խանգարած պարոն Կարապետեանին յայտարարելու իր որոշման մասին՝ յաջորդ ընտրութիւններուն փաշինեանի դէմ վարչապետի պաշտօնի համար պայքարելուն վերաբերեալ:
Արհեստական բանականութեան նորարարական կիրառմամբ փոխանցուած իր ուղերձին մէջ պարոն Կարապետեան ըսած է.
«Ինձ ձերբակալելով եւ կալանքի տակ պահելով՝ մի փոքրիկ խմբակ կարծում էր, թէ կարող է լռեցնել եւ մեկուսացնել ոչ միայն ինձ, այլեւ Հայաստանի ձայնը, մեր ժողովրդի ձայնը, մեր քաղաքացիների ձայնը՝ ձեր բոլորի ձայնը»:
«Amsterdam & Partners LLP» իրաւաբանական ընկերութեան հիմնադիր եւ կառավարող գործընկեր Ռոպերթ Ամսթերտամը, որ կը ներկայացնէ պարոն Կարապետեանի շահերը, նշած է. «փաշինեանը լաւագոյնս կը բնորոշէ «անյաջողակ մենատէր» եզրոյթը՝ փորձելով փոխել հայաստանեան եւ եւրոպական օրէնքները՝ իր խելացնոր անվստահութեան զգացումին յարմարցնելու համար:
Ան կը փորձէ հարուածի տակ դնել Հայ Առաքելական Եկեղեցւոյ օրինականութիւնը: Առաքելական եկեղեցին հիմնուած է առաջնորդութեան վրայ, որ կը ձեւաւորէ շարունակական շղթայ մը՝ սկսեալ վաղ քրիստոնէական առաքեալներէն»:
Միայն բոլշեւիկները դրսեւորած են նման վարքագիծ։ Եւրոպայի եւ Արևմուտքի լռութիւնը ամօթալի է, իսկ այն փաստը, որ Հայաստանի մէջ կան քրիստոնեայ բանտարկեալներ՝ ի յաւելումն պաքուի մէջ գտնուողներուն, խայտառակութիւն է եւ բիծ այս հրաշալի երկրին համար։
Հիմա այն պահն է, երբ Արեւմուտքը եւ հայ ժողովուրդը պէտք է պաշտպանեն դաւանանքի եւ խղճի ազատութեան արժէքները»։
Ամբողջական հոդվածը կարող եք կարդալ այս հասցեով՝ https://www.yerkir.am/hy/article/2026/02/17/307262