Մուսա Լերան Հերոսամարտին Նուիրուած Ֆրեզնոյի Յուշարձանին Բացումը՝ 18 Մայիսին

Մուսա լերան հերոսամարտին նուիրուած Ֆրեզնոյի յուշարձանին պաշտօնական բացումը տեղի պիտի ունենայ Կիրակի, 18 Մայիսին, կ․ե․ ժամը 3-էն սկսեալ, «Արարատ-Մասիս» գերեզմանատան մէջ (150 N. Huges), ձեռամբ՝ Արեւմտեան Ամերիկայի Հայոց թեմի առաջնորդ Գեղամ արք. Խաչերեանի եւ Հիւսիսային Ամերիկայի Արեւմտեան թեմի առաջնորդ Յովնան արք. Տէրտէրեանի։

Այնուհետեւ, «Կարօ եւ Ալիս Կիւրէղեան» մշակութային կեդրոնին մէջ տեղի պիտի ունենայ հիւրասիրութիւն մը, Մուսա լերան տոհմիկ ուտելիքներով։