Ոչինչ Չի Մոռացուել, Ոչ Ոք Չի Մոռացուել…
Պատմաբան Տարօն Յակոբեանն իր Facebook-ի էջին վրայ կը գրէ.
«Պատմութեան այս օրը.
Ոչինչ չի մոռացուել, ոչ ոք չի մոռացուել․
35 տարի առաջ այս օրերին ԽՍՀՄ ղեկավարութեան «կանխամտածուած լռութեան» պայմաններում պաքւում սկսուեցին իրագործուել հայերի էթնիկ զտումներ, որոնք դարձան ազրպէյճանական խՍՀ-ում ապրող հայ բնակչութեան ոչնչացման եւ բռնի տեղահանման քաղաքականութեան գագաթնակէտը։ Մէկ շաբաթ տեւած ցեղասպանական գործողութիւնների հետեւանքով հայ բնակչութեան շրջանում եղան հարիւրաւոր սպանուածներ եւ անհետ կորածներ:
Սումգայիթով, Շուշիով եւ Գանձակով սկսուեց, պաքուի Շահումեանի ենթաշրջանի իրադարձութիւններով աւարտին հասցուեց նախկին ազրպէյճանական ԽՍՀՄ-ի տարածքի հայաթափման գործընթացը, որի հետեւանքով շուրջ կէս միլիոն էթնիկ հայ դարձան փախստական:
Իսկ արդէն 21-րդ դարում, լիակատար միջազգային հանրութեան կողմից անպատժելիութեան, ինչպէս նաեւ ռուս-թուրք-ազրպէյճանական մերձեցման ֆոնին ազրպէյճանը շարունակեց ուժի կիրառման քաղաքականութիւնը, որի հետեւանքով ցեղասպանութեան ենթարկուեց Արցախում բնիկ ապրող հայութիւնը:
Յ. Գ. Հայերը պաքւում ենթարկուել են երեք մեծ ջարդերի՝ 1905-ին, 1918-ի Սեպտեմբերին եւ 1990 թուականի այս օրերին»:
