Մենք Ուշադրութեամբ Կը Հետեւինք Զարգացումներուն.Տանըլտ Թրամփ

ԱՄՆ նախագահ Տանըլտ Թրամփ Սպիտակ տան մէջ ասուլիսի ընթացքին պատասխանած է լրագրողի մը հարցումին` կապուած ղարաբաղեան հակամարտութեան գօտին մէջ իրավիճակի սրման հետ: Նախագահը, մասնաւորապէս, ըսած է.

«Մենք ուշադրութեամբ կը հետեւինք զարգացումներուն: Ես տեղեկացայ ատոր մասին այսօր եւ երէկ: Մենք այդ տարածաշրջանին մէջ ունինք շատ լաւ յարաբերութիւններ: Տեսնենք, թէ պիտի կարենանք արդեօք դադարեցնել բախումները»: