Հայ-ազրպէյճանական Սահմանի Ոչ Ամբողջ Երկայնքով Լարուածութիւն Կը Նկատուի
Հայ-ազրպէյճանական սահմանի ոչ ամբողջ երկայնքով կը նկատուի լարուածութիւն․ հարուածներ եղած են Վարդենիսի ուղղութեամբ։
Այս մասին, ըստ Armenpress.am-ի, այսօր կայացած ասուլիսին ընթացքին յայտնած է Միասնական տեղեկատուական կեդրոնի պաշտօնական ներկայացուցիչ Արծրուն Յովհաննիսեան:
«Այսօր առաւօտեան ազրպէյճանական ԶՈւ հրթիռահրետակոծութեան գործողութիւններուն ընթացքին, որոնք յատկապէս եղած են Արցախի ուղղութեամբ՝ նաեւ եղած են հարուածներ ՀՀ Գեղարքունիքի մարզի Վարդենիսի ուղղութեամբ»,- ըսած է Յովհաննիսեան եւ աւելցուցած, որ գործողութիւնները հայ-ազրպէյճանական սահմանին այդքան ալ անմիջական չեն։
Անոր խօսքով՝ այս պահուն ՀՀ-ի այլ մասերուն վրայ նման իրավիճակ չկայ։