Յունահռոմէական Ոճի Ըմբիշ Մալխաս Ամոյեան Աշխարհի Երիտասարդներու Ախոյեան

Յունահռոմէական ոճի ըմբշամարտի Հայաստանի հաւաքականի անդամ Մալխաս Ամոյեան դարձաւ աշխարհի երիտասարդական առաջնութեան ախոյեան:

Ըստ Armenpress.am-ի՝ Սլովաքիոյ Դրնաւա քաղաքին մէջ ընթացող յունահռոմէական ոճի ըմբշամարտի երիտասարդներու առաջնութեան 67 քկ քաշային Մալխաս Ամոյեան եզրափակիչին մրցեցաւ ուզպեքիստանի ներկայացուցիչ Մահմուտ Պախշիլոեւի հետ: Ամոյեան յաղթեց 10:0 հաշուով:

Նախօրէին աշխարհի առաջնութեան 55 քկ քաշային կարգի եզրափակիչին՝ Հայաստանի ներկայացուցիչ Տիգրան Մինասեան պարտուեցաւ եւ դարձաւ առաջնութեան արծաթէ մետալակիր:

Եզրափակիչին պարտուեցաւ նաեւ 130 քկ քաշային Դաւիթ Օվասաբեանը, որ 0:5 հաշուով զիջեցաւ մրցակիցին: