Հայ Մարզիկները Երկու Մետալ Նուաճած են Զարգացող Երկիրներու Լեռնադահուկասփորթի Բաժակի Խաղարկութեան

Ծաղկաձորի մէջ ընթացող Զարգացող երկիրներու լեռնադահուկասփորթի բաժակի խաղարկութեան՝ Հայաստանը ունի արդէն քանի մը մետալ:

Armenpress.am-ի տեղեկութիւններով` մրցաշարի հերթական օրը` ոլորավայրէջք ձեւին մէջ, Հայաստանի ներկայացուցիչ Աշոտ Կարապետեան նուաճած է մէկ ոսկի եւ մէկ արծաթ մետալ:

Մրցաշարին կը մասնակցին 5 երկրի` Հայաստանի, Իրանի, Լիբանանի, Սերպիոյ, Խրխըզիստանի ներկայացուցիչներ: Ընդհանուր առմամբ, առաջին անգամ իրականացուող մրցաշարին կը մասնակցին 22 տղայ եւ 10 աղջիկ:

Մրցաշարը պիտի եզրափակուի Փետրուար 1-ին: