Հայաստանը Ապահոված է Առաջին Մետալը Բռնցքամարտի Պատանեկան Ողիմպիական Խաղերուն

Հայաստանը առաջին մետալը ապահոված է Սենեկալի մէջ ընթացող պատանեկան ողիմպիական խաղերուն։

Սուրէն Կատուալեանը 1/4 եզրափակիչին բացայայտ առաւելութեամբ յաղթած է Եգիպտոսը ներկայացնող Ֆահիտ Վազիրին ու հասած կիսաեզրափակիչ՝ ապահովելով առնուազն պրոնզէ մետալ։ Այս մասին կը տեղեկացնեն Բռնցքամարտի ֆետերասիոնէն:

Դեռեւս առաջին խաղին Սուրէնը երկու անգամ նոկտաունի ենթարկած է մրցակիցը։ 2-րդ խաղին, մեր մարզիկի ուժգին հարուածէն ետք եգիպտացի բռնցքամարտիկը կրկին յայտնուած է նոկտաունի, որմէ ետք մրցավարը դադրեցուցած է մենամարտը։ Նախորդ մենամարտին Կատուալեանը յաղթած էր Ուզպեքիստանի ներկայացուցիչին։ Կիսաեզրափակիչին մեր մարզիկը պիտի մրցի ճափոնցի Գենշին Շագունոյի հետ։