Չէ Եղած Համանման Անմարդկային Աստիճանի Այլ Իրավիճակ Մը Եւրոպայի Խորհուրդի «Անդամ» Որեւէ Այլ Երկրի Մէջ, Բայց ԵԽ-ն Լուռ է. Վարդեւանեան

Աշխարհ, Հայաստան, Սփիւռք

Փաստաբան, սահմանադրագէտ Արամ Վարդեւանեան կը գրէ.

«Մարդասիրութիւնը` համընդհանուր, համամարդկային արժէք է, բայց դա չի տարածւում ազրպէյճանի վրայ: 470 օրից աւելի մեր Արցախի, նախագահները` Բակօ Սահակեանը, Արկադի Ղուկասեանը եւ մեր այլ Հայրենակիցները պատանդ են, գերի են պաքւում: Մեզանից իւրաքանչիւրը վստահ եմ անասելի տագնապ ու ցաւ է զգացել նոյն անմարդկային իրավիճակում գտնուող` Ռուբէն Վարդանեանի ուղերձից յետոյ:

Մեկնարկող «դատավարութիւն»ը իրաւաբանութիւն չէ, դա ծաղր է մարդասիրական նուազագոյն նորմերի (չափանիշներու, «Եռագոյն») եւ միջազգային ճանաչում ունեցող նորմերի նկատմամբ, բայց միջազգային հանրութիւնը լուռ է: Չի եղել համանման անմարդկային աստիճանի մէկ այլ իրավիճակ Եւրոպայի խորհրդի «անդամ» որեւէ այլ երկրում, բայց ԵԽ-ն լուռ է:

Ժամանակին միջազգային հանրութեան կողմից ամենածանր մեղադրանքներով հետապնդուած, նոյնիսկ Աուկուստօ Բինոչեդի նկատմամբ արտասահմանում տնային կալանք էր ընտրուել, իսկ իր Հայրենիքը` Չիլին պահանջեց իր վերադարձը եւ ապահովեց այն:

Ողբերգական է, որ այս իրականութեան մէջ ենք, ողբերգական է միջազգային հանրութեան լռութիւնը, աբսուրդ է (անհեթեթ, «Եռագոյն»), որ մեր Հայրենակիցների շահերը ոչ մի ձեւ չեն պաշտպանում դրա պարտականութեամբ օժտուած օրուայ պաշտօնեաները: Համամարդկային արժէքները չեն կարող վերանալ, ուղղակի չեն կարող»: