Իննա Սահակեանի «Աւրորայի Լուսաբացը» Ֆիլմը Արժանացած է Ֆրանքոֆիլմի XIV Փառատօնի Ժիւրիի Գլխաւոր Մրցանակին
Բեմադրիչ Իննա Սահակեանի «Աւրորայի լուսաբացը» animation վաւերագրական ֆիլմը արժանացած է Ֆրանքոֆիլմի XIV փառատօնի ժիւրիի գլխաւոր մրցանակին: Այս մասին կը հաղորդէ Հայաստանի Ազգային Կինոկեդրոնը։
Ձեռնարկը կազմակերպած է Սան Լուի ֆրանսական ուսումնարանը Իտալիոյ մէջ ֆրանքոֆոն դեսպանութիւններու աջակցութեամբ։
Ֆիլմը ստացած է պետական ֆինանսական աջակցութիւն ՀՀ կրթութեան, գիտութեան, մշակոյթի եւ մարմնակրթութեան նախարարութեան կողմէն:
«Աւրորայի լուսաբացը» հայ-գերմանա-լիթւիական համատեղ արտադրութեան ֆիլմ է (արտադրող ընկերութիւններ՝ «Բարս մեդիա», «Gebrueder Beetz Filmproduktion», «Artbox Laisvalaikio Klubas»): Բեմադրիչն ու սենարիստը Իննա Սահակեանն է, արտադրողներ` Վարդան Յովհաննիսեան, Քրիստիան Պից, Եուսդէ Միխայլինայդէ: Ֆիլմը ստեղծուած է Զորեան ուսումնարանի գիտական աջակցութեամբ եւ Հայոց Ցեղասպանութեան բանաւոր պատմութեան արխիւին հիման վրայ:
