Ախալքալաքի Բռնցքամարտիկները 4 Մետալ Նուաճած են

Կորիի մէջ կայացած բռնցքամարտի մրցաշարին՝ ախալքալաքցի մարզիկները նուաճած են 4 մետալ։ Այս մասին գրած է Jnews-ը։

Նոյեմբեր 17-20, Վրաստանի Կորի քաղաքին մէջ տեղի ունեցաւ բռնցքամարտի ամենամեայ մրցաշարը՝ նուիրուած Գիորկի Գարելիձէի յիշատակին, որուն կը մասնակցէին մարզիկներ Վրաստանի տարբեր քաղաքներէ եւ շրջաններէ։

Ախալքալաքէն մրցումներուն կը մասնակցէր 8 մարզիկ, որոնց 4-ը նուաճած են մետալներ՝

Վենետիկ Զանդարեան՝ ոսկի
Վոլոտիա Մանուէլեան՝ արծաթ
Արթուր Առաքելեան՝ արծաթ
Գրիշա Էլիզպարեան՝ պրոնզ

Գիորկի Գարելիձէի անուան մրցաշարը կազմակերպուած է Կորիի քաղաքապետարանի Մարմնակրթութեան զարգացման եւ խթանման գործակալութիւնը եւ Վրաստանի բռնցքամարտի ազգային ֆետերասիոնը։ Յաղթողները պարգեւատրուած են համապատասխան բաժակներով, մետալներով եւ պատուոգրերով։