«Աւրորայի Լուսաբացը»՝ Լաւագոյն Անիմացիոն Ֆիլմ

Այլեւայլ, Աշխարհ, Հայաստան

«Աւրորայի լուսաբացը» ֆիլմը արժանացաւ «Լաւագոյն անիմացիոն ֆիլմ» մրցանակին՝ Asia Pacific Screen Awards-ին: Այս մասին կը հաղորդէ Հայաստանի շարժանկարի գործիչներու միութիւնը՝ շնորհաւորելով ֆիլմի բեմադրիկ Իննա Սահակեանն ու ստեղծագործական ողջ կազմը:

Աղբիւրին համաձայն՝ այս օրերուն ֆիլմը ընդգրկուած է Թալինի միջազգային փառատօնի մրցութային ծրագրին: Ֆիլմի Պալթեան անդրանիկ ներկայացումը կը կայանայ «Ա» կարգի փառատօնին, որ նշանակալի ձեռքբերում է:

«Աւրորայի լուսաբացը» ֆիլմը Հայաստանի շարժանկարի Ազգային կեդրոնի՝ պետական ֆինանսական աջակցութեամբ եւ եւրոպական շարժանկարի ամենախոշոր ֆոնտի՝ ԵՒՐԻՄԱԺ-ի (Հայաստանը իբրեւ մեծամասնական համարտադրող) ֆինանսաւորմամբ ստեղծուած ֆիլմ է։