Ախալքալաքցի Բռնցքամարտիկներու Նոր Ձեռքբերումները

Ապրիլ 5-10 բռնցքամարտի Վրաստանի երիտասարդական առաջնութեան ախալքալաքցի 3 մարզիկ յայտնուած են մրցանակային տեղեր: Այս մասին ԵՌԱԳՈՅՆ-ը կը տեղեկանայ jnews.ge-էն։

Վրաստանի բռնցքամարտի երիտասարդական առաջնութեան Ախալքալաքէն մասնակցած է 8 մարզիկ, որոնցմէ 3-ը գրաւած են մրցանակային տեղեր:

Առաջին տեղը, 80 քկ քաշային կարգի մէջ, գրաւած է Սամուէլ Ղազարեանը։ Մարզիչ՝ Վենետիկ Ղազարեան:

Երկրորդ տեղը գրաւած է Ժիրայր Սահարեանը (48 քկ): Մարզիչ՝ Գագիկ Էլիզբարեան:

Երրորդ տեղը, 66 քկ քաշային կարգի մէջ, գրաւած է Վենետիկ Զանդարեանը։ Մարզիչ՝ Արթուր Էլիզբարեան:

Բոլոր մարզիկները Ախալքալաքի մարզահամալիրի սաներ են, որոնք կը զբաղին բռնցքամարտով։

Նշենք, որ մինչ այդ՝ Ապրիլի սկիզբը, Ռումանիայէն վերադարձած էին բռնցքամարտիկներ Արտիոմ Եորդանեանը եւ Արտիուշ Գոմցեանը, որոնք Վրաստանի հաւաքականի կազմով կը մասնակցէին միջազգային մրցոյթին, որուն կազմին մէջ ընդգրկուած էին 10 մարզիկ։ Երկու մարզիկներն ալ նուաճած են պրոնզէ մետալներ։