Հինգ Հայ Գերիներ Երեւան Վերադարձան

Հինգ հայ գերիներ այսօր երեկոյեան Պաքուէն տեղափոխուեցան Հայաստան։ Այս մասին կը յայտնէ «Spuntik Արմենիա»-ն:

Վերադարձող գերիներն են Մելս Կարապետի Ամբարդանեանը, Ռաֆիկ Ռոպերթի Կարապետեանը, Ժորա Վանոյի Մանուկեանը, Սեդրակ Սամուէլի Սողոմոնեանը, Յովսէփ Ռոպերթի Մանուկեանը։

Անոնցմէ 3-ին` Ռաֆիկ Կարապետեանին, Սեդրակ Սողոմոնեանին եւ Մելս Ամբարդանեանին, Յուլիս 23-ին Պաքուի դատարանը դատապարտած էր 6 տարուան ազատազրկման՝ խիստ պայմաններով բանտի մէջ:

Հայ ռազմագերիներու վերադարձին մասնակցած է Արցախի մէջ ռուս խաղաղապահ առաքելութեան նախկին հրամանատար, զօրավար Ռուստամ Մուրատովը, որուն միջնորդութեամբ նաեւ Հայաստան վերադարձած են հայ ռազմագերիներու նախորդ խումբերը: