Իրանի Արեւելեան Ատրպատական Նահանգը Պատրաստ Է Հայաստանի հետ Սահմանային Շուկայ Ստեղծելու

Իրանի Արեւելեան Ատրպատական նահանգի ղեկավար Մոհամետ Ռեզա Փուր Մոհամմետի յայտնեց, թէ, նկատի ունենալով միջազգային առեւտուրին զարկ տալու շրջանին առաջնահերթութիւնը, պատրաստ է սահմանային շուկայ ստեղծելու Հայաստանի հետ: Այս մասին կը հաղորդէ Թեհրանի «Իրնա»-ն։

«Եթէ Հայաստան եւս ունենայ սահմանային այդ շուկան ստեղծելու փափաքը, մօտիկ ապագային մենք կը յաջողինք զայն ստեղծել»,- Հայաստանի մէջ Իրանի դեսպանին հետ հանդիպման ընթացքին ըսաւ ան: