45,000 Մարդ Հետեւած Է «Music 20» Միջազգային Փառատօնին

Areky Այլեւայլ, Աշխարհ, Հայաստան

Հայաստանի մէջ, Յուլիս 10-28, իրականացած «Music 20» առցանց միջազգային փառատօնին, ամբողջ աշխարհէն, հետեւած է 44,760 մարդ՝ երաժշտասէրներ Հայաստանէն, Ռուսիայէն, Գերմանիայէն, Մալթայէն, Անգլիայէն եւ բազմաթիւ այլ երկիրներէ։ Ինչպէս կը յայտնեն Հայաստանի պետական սիմֆոնիկ նուագախումբէն, փառատօնի ներկայացման համար ստեղծուած է music20.am կայքը, որուն միջոցով հեռարձակած են համերգները։

Երաժշտական այս տօնին մասնակցելու նպատակով Հայաստան ժամանած էին մեծահամբաւ երաժիշտներ՝ թաւջութակահարներ Ալեքսանդր Ռամը‚ Պորիս Անտրիանովը‚ ջութակահարներ Անտրէյ Պարանովը‚ Ֆրանչեսքա Տեկոն‚ Հայկ Գազազեանը, խմբավարներ Մարիուս Սդրաւինսքին‚ Ռուստեմ Ապյազովը, Ալան Չիրքոփը, Ճանլուգա Մարչիանոն, դաշնակահարներ Նիքիթա Մնտոյեանցը‚ Ալեքսանդր Կինտինը, Կլորիա Գամբաները, քլարնեդահար Իկոր Ֆիոտորովը եւ այլք։ Մասնակցած են նաեւ հայաստանցի երաժիշտներ։

Փառատօնը կազմակերպուած էր Մշակոյթի աջակցութեան եւրոպական հիմնադրամին եւ Կ. Դեմիրճեանի անուան մարզահամերգային համալիրին ջանքերով։ Պաշտօնական նուագախումբն էր Հայաստանի պետական սիմֆոնիկ նուագախումբը՝ խմբավար Սերգէյ Սմբատեանի ղեկավարութեամբ։