Ատրպէյճան Հարուածային ԱԹՍ-ով Թիրխաւորած է Բերդի Քաղաքացիական Ենթակառուցուածքները. Տուժածներ Չկան
Ատրպէյճան հարուածային անօդաչու թռչող սարքով կրակած է Բերդի քաղաքացիական ենթակառուցուածքները․ տուժածներ չկան, «Ֆէյսպուք»-ի իր էջին վրայ գրած է ՀՀ ՊՆ խօսնակ Շուշան Ստեփանեան:
Աւելի առաջ, ՊՆ մամուլի խօսնակը յայտնած էր, որ Յուլիս 14-ի գիշերը ՀՀ զինուած ուժերու մարտական դիրքերէն դիտարկուած է հակառակորդի հրասայլի շարժ, որ հայկական կողմի կրակոցով խափանուած է: Ըստ անոր` գիշերը սահմանին յարաբերական անդորր է:
Հակառակորդը Յուլիս 13-էն կը ռմբակոծէ Տաւուշի բնակավայրերը: Ատրպէյճանական զինուած ուժերը 82մմ տրամաչափի ականանետէ եօթ եւ 120մմ տրամաչափի ականանետէ 3 արկ արձակած են Չինարի բնակավայրի ուղղութեամբ: