Եւրոպական Միութիւնը Կ՛աջակցի Հայաստանին՝ «Քորոնա»ի Դէմ Պայքարին

«Քորոնա» ժահրի համավարակին վերաբերող համաշխարհային արձագանգման գործողութիւններու ծիրին մէջ, Եւրոպական յանձնաժողովը կը սատարէ Արեւելեան գործընկեր երկիրներուն եւ կը վերաբաշխէ 140 միլիոն եուրօ աջակցութիւն, նաեւ Հայաստանի առաւել անմիջական կարիքներու արձագանգման համար:

Այս մասին յայտնեց Հայաստանի մէջ Եւրոպական Միութեան գրասենեակը։

Բացի այդ, յանձնաժողովը պիտի վերաձեւակերպէ մինչեւ 700 միլիոն եուրօ արժողութեամբ ամբողջ տարածաշրջանին մէջ կիրարկուող ֆինանսաւորման գործիքներու նպատակայնութիւնը` ուղղելով զանոնք ի նպաստ «Քորոնա» ժահրով պայմանաւորուած ճգնաժամի ընկերային-տնտեսական վնասներու մեղմացման: