Թալինի Ելոյթները Պէյրութի Մէջ Մեծ Խանդավարութիւն Ստեղծեցին
Հակառակ Լիբանաին մէջ տիրող անբարենպաստ կացութեան, Շաբաթ, 18 եւ Կիրակի, 19 Յունուարին Համազգայինի գրախանութին կազմակերպած Թալինի ելոյթները ստեղծեցին մեծ խանդավառութիւն:
Ըստ “Ազդակ”-ի՝ «Էմիլ Լահուտ» սրահը երկու օրերու ընթացքին լեցուեցաւ մանուկներու եւ ծնողներու խուռներամ բազմութեամբ մը: Թալին իր հին ու նոր երգացանկերով մեծապէս խանդավառեց ներկաները` ստեղծելով համակող պահեր: Այս ելոյթներուն մասնակից դարձան նաեւ Համազգային «Գայեանէ» պարի դպրոցի փոքրիկները եւ պատանիները, ինչպէս նաեւ` Թալինի ընկերակցող տիպարները` նապիկը` Սարին Առաքել, ծաղրածուն` Ժագլին Պաղտիկեան եւ փիսոն` Սէրլի Կարապետեան:
Թալինի երգերուն դաշնակի վրայ ընկերակցեցաւ անոր ամուսինը` Ալեքս Պեսոս:
Ելոյթէն ետք Թալին նկարուելու առիթ տուաւ բոլոր փոքրիկներուն:
«Էմիլ Լահուտ» սրահի մուտքին Համազգայինի գրախանութին կողմէ վաճառքի դրաուծ էին Համազգայինի եւ այլ հաստատութիւններու մանկական հրատարակութիւններ:
Ձեռնարկը ղեկավարեցին «Վանայ Ձայն»-ի մանկական յայտագիրի խօսնակներ Անժելինա Սարգիսեան եւ Սէրլի Գալայճեան:
Այս առիթով Համազգայինի գրախանութը յատուկ շնորհակալութիւն յայտնեց բոլոր այն հաստատութիւններուն եւ ազգայիններուն, որոնք գործնապէս եւ նիւթապէս զօրակցեցան ձեռնարկի յաջողութեան:
Հարկ է արձանագրել, որ զոյգ ելոյթները յիշատակելի պիտի մնան լիբանանահայ մանուկներուն համար: