Գիւմրիի «Սեւ Բերդ»-ին Մէջ Տեղի Պիտի Ունենայ Կոմիտաս Վարդապետի Յոբելեանին Նուիրուած Կալա Համերգ

Կոմիտաս Վարդապետի ծննդեան 150-ամեակի յոբելինական տարուան ծիրէն ներս իրականացուող բազմաթիւ ձեռնարկներու շարքին, Սեպտեմբեր 28-ին, ժամը 17:00-ին, Գիւմրիի «Սեւ բերդ»-ին մէջ տեղի պիտի ունենայ Վարդապետի յոբելեանին նուիրուած կալա համերգ: Այս մասին ԵՌԱԳՈՅՆ-ին յայտնեցին ՀՀ ԿԳՄՄ նախարարութենէն։

Յոբելինական համերգին ընթացքում պիտի ներկայացուի Կոմիտասի արուեստը՝ անոր ձգած ժառանգութիւնը:

Կալա համերգին պիտի մասնակցին՝ Հայաստանի պետական կամերային նուագախումբը (գեղարուեստական ղեկավար եւ գլխաւոր խմբավար` ՀՀ վաստակաւոր արտիստ Վահան Մարտիրոսեան), Հայաստանի պետական կամերային երգչախումբը (գեղարուեստական ղեկավար եւ խմբավար` ՀՀ արուեստի վաստակաւոր գործիչ Ռոպերթ Մլքէյեան), Հայաստանի պետական կամերային երգչախումբի մեներգչուհի՝ Սոֆիա Սայադեան, Հայ հոգեւոր երաժշտութեան կեդրոնի «Գեղարդ» երգեցիկ խումբը (գեղարուեստական ղեկավար ՀՀ արուեստի վաստակաւոր գործիչ Մհեր Նաւոյեան, խմբավար՝ Անահիտ Պապայեան), «Տիրամայր Հայաստանի» երգչախումբը (գեղարուեստական ղեկավար եւ խմբավար` ՀՀ արուեստի վաստակաւոր գործիչ Ռոպերթ Մլքէյեան), Կոմիտասի անուան ազգային քառեակ (տնօրէն՝ Սամուէլ Մեսրոպեան), ՀՀ վաստակաւոր արտիստներ Ինգա եւ Անուշ Արշակեաններ, երգիչ եւ երաժշտահան՝ Վահան Արծրունի, Նորայր Քարտաշեան եւ «Մենուա» նուագախումբը:

Համերգին ընթացքին կրնաք հետեւել առցանց տարբերակով՝ VR Ticket բջիջային յաւելուածին միջոցով:

Անհրաժեշտ է ներբեռնել յաւելուածը, արձանագրուիլ, ընտրել նախընտրած իրադարձութիւնը եւ միանալ առցանց դիտման:

Առցանց միացման յղումը՝ bit.ly/komitas150