Ատրպէյճան Կը Շարունակէ Մնալ Արցախի Ժողովուրդի Գոյութեան Սպառնալիքը. Զոհրապ Մնացականեան
Ատրպէյճանի կողմէ ռազմաքաղաքական հաւասարակշռութիւնը խախտելու փորձերը, որոնք մինչ օրս արտայայտուած են նաեւ ուժի կիրառումով, տարածաշրջանային անվտանգութեան եւ խաղաղութեան սպառնալիք են:
Այս մասին, ըստ Armenpress.am-ի, Օգոստոս 27-ին, ՀՀ արտաքին գործոց նախարար Զոհրապ Մնացականեան յայտարարած է ՀՀ ԱԳՆ կեդրոնական մարմնի եւ արտերկրի մէջ դիւանագիտական ներկայացուցչութիւններու ղեկավարներու հաւաքին ընթացքին:
«Հայաստանը հանդէս կու գայ Ղարաբաղեան հակամարտութեան խաղաղ կարգաւորման դիրքերէն, սակայն չի կրնար ընդունիլ Ատրպէյճանի կողմէ բացայայտ կամ քօղարկուած ուժի կիրառման սպառնալիքները, եւ հրադադարը պայմանական դարձնելու որեւէ նկրտում: Լարուածութեան պայմաններու մէջ բանակցութիւններ վարելու Ատրպէյճանի ջանքերը կը խոչընդոտեն խաղաղութեան նպաստող միջավայրի ձեւաւորման, եւ, ըստ այդմ, չեն նպաստեր հիմնախնդրի տեւական եւ համապարփակ կարգաւորման: Ատրպէյճանը իր անփոփոխ հայատեաց քաղաքականութեամբ կը շարունակէ մնալ Արցախի ժողովուրդի գոյութեան սպառնալիքը: Խաղաղութիւնը այլընտրանք չունի, եւ ՀՀ-ն ու Արցախը ունին բաւարար ուժ՝ խաղաղութեան ապահովման համար»,- նշած է Մնացականեան: