ՀՀ Վարչապետը Աշխատանքային Այցով Ժամանած է Խըրխըզիստան

Աշխարհ, Հայաստան

ՀՀ վարչապետ Նիկոլ Փաշինեան աշխատանքային այցով ժամանած է Խըրխըզիստան։

Ըստ Tert.am-ի՝ ՀՀ կառավարութեան ղեկավարը դիմաւորած է Խըրխըզիստանի Հանրապետութեան փոխվարչապետ Զամիրբեկ Ասքարովը։

Վարչապետ Նիկոլ Փաշինեան Խըրխըզիստանի Չոլբոն-Ադա քաղաքին մէջ պիտի մասնակցի Եւրասիական միջկառավարական խորհուրդի հերթական նիստի աշխատանքներուն։ Նիստը պիտի սկսկի այսօր՝ Օգոստոս 9-ին, ՀՀ վարչապետ Նիկոլ Փաշինեանի իբրեւ ԵԱՏՄ մարմիններու նախագահող երկրի ղեկավարի բացման ելոյթով։

Կը նախատեսուի Հայաստանի Հանրապետութեան վարչապետի եւ Եւրասիական տնտեսական յանձնաժողովի նախագահ Տիգրան Սարգսեանի համատեղ յայտարարութիւնը ԶԼՄ ներկայացուցիչներու համար, ինչպէս նաեւ ԵԱՏՄ ծիրէն ներս համագործակցութեան վերաբերեալ փաստաթուղթերու ստորագրում եւ նամականիշի մարման արարողութիւն:

Այցին ծիրէն ներս կը նախատեսուին Հայաստանի վարչապետի հանդիպումները Խըրխըզիստանի Հանրապետութեան նախագահ Սոորոնպա Ժէենբեկովի եւ Ռուսիոյ Դաշնութեան կառավարութեան նախագահ Տմիթրի Մետվետեւի հետ: