Հայաստանի եւ Արցախի ՄԻՊ-երը Լոս Անճելըսի Մէջ Հանդիպած Են «Խոստում» Հիմնարկի Ղեկավարութեան Հետ

Արցախի Հանրապետութեան Մարդու Իրաւունքներու Պաշտպան (ՄԻՊ) Արտակ Բեքլարեան, ՀՀ ՄԻՊ Արման Թաթոյեան եւ ԱՄՆ Հայ Իրաւաբաններու Միութեան ղեկավար կազմը 28 Յունիսին հանդիպած են Լոս Անճելըսի Քալիֆորնիոյ համալսարանի (UCLA) Մարդու Իրաւունքներու «Խոստում» հիմնարկի (Promise Institute for Human Rights) ղեկավարութեան` Քէյթ Մակինթոշի եւ Ճեսիքա Փիքի հետ: Այս մասին կը հաղորդէ Yerkir.am-ը։

Երկու ՄԻՊ-երը հակիրճ կերպով ներկայացուցած են Հայաստանի Հանրապետութեան եւ Արցախի Հանրապետութեան մարդու իրաւունքներու պաշտպանութեան վիճակը եւ հիմնական մարտահրաւէրները` անդրադառնալով նաեւ իրենց հաստատութիւններուն գործունէութեան հիմնական ուղղութիւններուն: