Հայաստանի Մէջ Կայ 60-70 Հազար Ծայրայեղ Աղքատ
Հայաստանի մէջ ծայրայեղ աղքատութիւնը կը կազմէ մօտ 2.3 տոկոս:
«Արմէնփրես»-ի հաղորդմամբ` այս մասին կենսաթոշակի նուազագոյն շեմ սահմանելու մասին օրէնքի ներկայացման ժամանակ Ազգային ժողովին մէջ ըսաւ ՀՀ աշխատանքի եւ ընկերային հարցերու փոխնախարար Սմբատ Սաիեան:
«Բարգաւաճ Հայաստան» խմբակցութեան պատգամաւոր Միքայէլ Մելքումեան հետաքրքրուեցաւ երկրին մէջ ծայրայեղ աղքատներու թիւով:
«Ծայրայեղ աղքատութիւնը երկրին մէջ կը կազմէ մօտ 2.3 տոկոս: Բայց սա չի նշանակեր, թէ պետութիւնը գիտէ բոլոր ծայրայեղ աղքատներուն տեղը: Մօտ 60-70 հազար անձ Հայաստանի մէջ ծայրայեղ աղքատ է: Սակայն բոլորը չէ, որ կենսաթոշակառուներ են: 2.3 տոկոսին չնչին մասն է, որ կենսաթոշակառուներն են: Միաժամանակ՝ կենսաթոշակառուները աղքատութեան վտանգին աւելի ենթակայ են` հաշուի առնելով աշխատանքային եկամուտներ ունենալու հնարաւորութեան սահմանափակումը»,-նշած է Սաիեան:
Ան տեղեկացուցած է, որ կենսաթոշակի չափի 1 000 դրամով բարձրացումը կ՛ենթադրէ շուրջ 5 միլիառ դրամ լրացուցիչ ծախս: Սաիեանը շեշտած է, որ օրէնքին մէջ ամրագրուած է յստակ նպատակ` ապահովել առնուազն գնաճի նկատմամբ առաջանցիկ կենսաթոշակի միջին չափի աճ: