2018-ին Ատրպէյճանի Ռազմական Պիւտճէն Կազմած է Մօտ 2 Միլիառ Տոլար
2018-ին Ատրպէյճան պաշտպանական ոլորտ ուղղած է 3,3 միլիառ մանաթ (1,9 միլիառ տոլար)․ այս մասին՝ ըստ «Սիվիլնէթ»-ի՝ յայտարարած է այդ երկրի վարչապետ Նովրուզ Մամետովը:
«2018-ին Ատրպէյճանի պաշտպանական ծախսերը աւելցած են 526,8 միլիոն մանաթով (310 միլիոն տոլար)` հասնելով 3,3 միլիառ մանաթի»,- ըսած է Մամէտով:
Ան տեղեկացուցած է, որ 2018-ին Ատրպէյճանի մէջ շարունակուած է ռազմարդիւնաբերական ներուժի բարելաւման, բանակաշինութեան կատարելագործման ուղղուած գործունէութիւնը:
Մամետովի խօսքով` Զինուած ուժերը արդի զինամթերթով ապահովելու նպատակով ձեռք բերուած է «Փոլոնեզ», «Լորա» համակարգեր, հակապալիստիկ պաշտպանութեան միջոցներ եւ այլն:
Համեմատութեան համար` Հայաստանի 2018-ի ամավարկի նախագիծով ռազմական պաշտպանութեան համար նախատեսուած եղած է մօտ 240 միլիառ դրամ` մօտ 489 միլիոն տոլար:
2019-ի ամավարկի նախագիծով պաշտպանութեան ոլորտի ծախսերուն կը յատկացուի 302 միլիառ դրամ (620 միլիոն տոլար):
Հայաստանի ռազմական պիւտճէն տասը տարուան մէջ` 2008-2018, գրեթէ կրկնապատկուած է: 2008-ին ան կազմած է մօտ 121 միլիառ դրամ` մօտ 247 միլիոն տոլար: