2018-ին 1000 Խոշոր Հարկատուները 15 Տոկոսով Աւելի Հարկ Վճարած Են` 2017-ի Համեմատ
2018-ին 1000 խոշոր հարկատուներուն վճարած հարկերը աւելցած են 119 միլիառ դրամով կամ 14,8 տոկոսով` նախորդ տարուան համեմատ: Պետական եկամուտներու կոմիտէն հրապարակած է 1000 խոշոր հարկատուներու ցուցակը:
2018-ին Հայաստանի ամենախոշոր հարկատուն «Կրանտ Թոպաքօ» ընկերութիւնն է, որ 2018-ին պետական պիւտճէ մուտքագրած է աւելի քան 42 միլիառ դրամ հարկ:
2018-ի հարկատուներու առաջին տասնեակը ունի հետեւեալ տեսքը․
««Գրանդ Տոբակօ»» – 42 միլիառ դրամ
«Զանգեզուրի պղնձամոլիբդենային կոմբինատ» – 41 միլիառ
«Գազպրոմ Արմէնիա» – 40 միլիառ
«Սիփիես Օիլ Քորփորէյշըն» – 18 միլիառ
«Գէոպրոմայնինգ Գոլտ» – 17 միլիառ
«Ալեքս Հոլտինգ» – 16 միլիառ
«Ջեյ Թի Այ Արմէնիա» – 14 միլիառ
«Գիլիպ Մորիս Արմէնիա» – 14 միլիառ
«Ինտերնեյշնլ Մասիս Տաբակ» – 13 միլիառ
«Ֆլեշ» – 12 միլիառ
Ընդհանուր առմամբ, 2018-ին Հայաստանի տասը խոշոր հարկատուները պիւտճէ մուտքագրած են շուրջ 228 միլիառդրամ:
2017-ի առաջատար հարկատու «Գազպրոմ Արմէնիա»-ն թէեւ այս տարի երրորդն է, բայց վճարած հարկերու ծաւալը գրեթէ չէ փոխուած, իսկ 2018-ին առաջին տեղը յկը գրաւէ «Գրանդ Տոբակօ»-ի վճարած հարկերն աւելցած են աւելի քան 7 միլիառվ: 2017-ին հարկային վճարներու մեծութեամբ երրորդ ընկերութիւնը` Հայաստանի ելեկտրական ցանցերը, 2018-ին դուրս մնացած է առաջին տասնեակէն` 11-րդն է:
2018-ին 1000 խոշոր հարկատուներուն կողմէ վճարուած հարկային մուտքերը աւելցած են․ եթէ 2017-ին անոնք միասին պիւտճէ մուտքագրած էին աւելի քան 807 միլիառ դրամ հարկ (807 403 059 000 դրամ), ապա 2018-ին` մօտ 927 միլիառ (926 770 114 000 դրամ):