Արեւմտեան Հայաստանի Հայկական Գիւղերուն Մէջ Բնակող Հայերու Անիրականանալի Ցանկութիւնը
Արեւմտեան Հայաստանի հայկական գիւղերուն մէջ բնակող հայերը կը ցանկան, որ մկրտուողները, հարսն ու փեսան իրենց պսակադրութեան ատեն հայ քահանայի օրհնութիւնը ստանան: Սակայն անիրականանալի ցանկութիւն է:
Պոլսոյ Հայոց պատրիարքութիւնը պէտք է իր բոլոր հետեւորդներու ցանկութիւնը կատարէ, ցանկութիւն պարագային նաեւ քահանայ ուղարկէ: Բայց պետական խոչընդոտներէն բացի, կը հանդիպին նաեւ Պոլսոյ հայոց պատրիարքի փոխանորդ Արամ արքեպիսկոպոս Աթէշեանի «դիմադրութեան»:
«Արեւմտահայոց ազգային համագումար» կազմակերպութեան անդամ, «Վերադարձ» հիմնադրամի նախագահ Արագած Ախոյեան, որ յաճախ Արեւմտեան Հայաստան կ՛այցելէ, Panorama.am-ի հետ զրոյցի ընթացքին ըսած է. «Պոլսոյ հայոց պատրիարքի փոխանորդ Արամ արքեպիսկոպոս Աթէշեան ամէն ինչ կ՛ընէ, որ ատիկա տեղի չունենայ, որովհետեւ ինք ի զուր դրամներ պէտք է ծախսէ: Ըստ անոր, Պոլսիսէն քահանաներ ուղարկելը բաւական լուրջ ծախսի կը կարօտի: Մինչդեռ գործող եկեղեցի ունինք, Սուրբ Կիրակոսը, եթէ այնտեղ ունենային մշտապէս գործող քահանաներ, իրենք ալ ուղղակի հոն կ՛երթային:
Առանց այդ ալ մնացած բոլոր պետական խոչընդոտներուն կը գումարուին նաեւ ֆինանսական ծախսերը, որ այդպէս ալ ցանցկութիւնը կը դառնայ անիրականանալի: Պոլսոյ հայոց պատրիարքի տեղապահը ոչինչ չ՛ըներ, ընդհակառակը, սրբօրէն կը կատարէ իսլամական կառոյցներու պատուերները, երեւի»:
Ա. Ախոյանի խօսքով, շատ են այն մարդիկ, որոնք կը ցանկան ստանալ հայ քահանայի օրհնութիւնը: Խնդրանքով դիմած են նաեւ իրենց:
«Անցած տարի Կախթայ էինք, խնդրեցին որ գոնէ քահանայ մը ըլլայ, որ չերթան ասորական եկեղեցի, թէեւ խնդիր չկայ: Կախթայի հայ համայնք ներկայացուցիչները ըսին, որ Աթէշեան մեզի իր գիրկը չառաւ»,- նշեց ան: