Օտարերկրեայ Ներդրումները Աճած են 50 Տոկոսով

ՀՀ վարչապետ Նիկոլ Փաշինեան դիմատետրի իր էջին մէջ գրած է, որ համաձայն ՀՀ վճարային հաշուեկշիռի տուեալներուն, 2018 թուականի երրորդ եռամսեակին օտարերկրեայ ուղղակի ներդրումները 50 տոկոսով աճած են` 2017 թուականի նոյն եռամսեակին համեմատ:

Նախորդ տարուան երրորդ եռամսեակին ուղղակի ներդրումներու ներհոսքը (պարտաւորութիւններու զուտ ստանձնումը) կազմած է $75.5 միլիոն` 2017 թուականի $50.9 միլիոնի դիմաց:

2018 թուականի առաջին եռամսեակին օտարերկրեայ ուղղակի ներդրումները կազմած են $94.2 միլիոն, երկրորդ եռամսեակին`$8.9 միլիոն:

2018 թուականի չորրորդ եռամսեակի տուեալները (վճարային հաշուեկշիռը) դեռ չեն հրապարակուած: