Թուրքիոյ Մէջ Ամենաշատ Ականապատ Տարածքները Հայաստանի Հետ Սահմանին Վրայ են

Թուրքիան ընդգրկուած է այն երկիրներու շարքին, ուր առկայ են ամէնէն շատ ականապատուած տարածքներ:

Ըստ «Էրմէնիհապեր»-ի՝ «International Center for Mine and Cluster Bombs Monitoring»-ի կազմած 2018-ի զեկոյցին համաձայն` ականապատուած տարածքներու քանակով  Թուրքիան 3-րդն  է աշխարհի մէջ: 2-րդը Ֆինլանտիան է, իսկ առաջինը` Պանկլատեշը: Առաջին տասնեակին մէջ են նաեւ Աֆղանիստանը, Անկոլան, Իրաքը, Եմենը:

Ընդ դէպ՝ նշուած է, որ Թուրքիոյ մէջ այնքան ականապատուած տարածքներ կան, որ զանոնք կարելի չէ ականազերծել մինչեւ 2022 թուականը: Ներկայիս Թուրքիոյ մէջ կայ 3061 ակնապատ տարածք: Կայ եւս 701 տարածք, որոնց վերաբերեալ կասկածներ կան:

Ըստ զեկոյցին` Թուրքիոյ մէջ ամենաշատ ականապատուած տարածքները կը գտնուին Հայաստանի, Ատրպէյճանի, Իրաքի եւ Իրանի հետ սահմանային շրջաններու մէջ։