Ալեքսանտրա Գրիգորեան Եւ Նարեկ Գրիգորեան` Ծանրաբարձութեան Եւրոպայի Ախոյեան

Ալպանիոյ Տուրես քաղաքին մէջ տեղի կ՛ունենայ ծանրաբարձութեան մինչեւ 20 եւ մինչեւ 23 տարեկաններու Եւրոպայի ախոյեանութիւնը:

23 տարեկանէն վար մրցումներուն, Հայաստանի հաւաքականի 57 քլկ․ կշիռքի ներկայացուցիչ Ալեքսանտրա Գրիգորեան կրցաւ նուաճել երկու փոքր ոսկի մետալներ եւ ընդհանուր ոսկի մետալը: Գրիգորեան երկամարտի արդիւնքով 202 քլկ․ բարձրացուց (112 + 90)։

Նարեկ Գրիգորեան նոյն կշիռքին մէջ ոչ միայն դարձաւ Եւրոպայի ախոյեան, այլ նաեւ սահմանեց մինչեւ 20 տարեկաններու Եւրոպայի նոր մրցանիշ` երկամարտի արդիւնքով բարձրացնելով 322 քլկ․ (146+176):

Հայաստանի համար մետալներ ձեռք ձգեց նաեւ Սամուէլ Մարտիրոսեանը (70 քլկ․), որ մինչեւ 20 տարեկաններու արաշէի (պոկում) վարժութեան ընթացքին 139 քլկ․ բարձրացուց` ձեռք ձգելով փոքր ոսկի մետալ, իսկ երկամարտի արդիւնքով 296 քլկ․ բարձրացնելով՝ երրորդ դիրքը գրաւեց, պրոնզ մետալ շահելով:

Աւելի կանուխ, Սէյրան Խուդանեան (60 քլկ․) նուաճած էր պրոնզէ մետալ երկամարտի արդիւնքով եւ փոքր պրոնզ՝ էփոլէ-ժըթէի (ձգում) վարժութեան ընթացքին, մինչ Դաւիթ Առաքելեան (65 քլկ․) 20 տարեկանէն վար մրցումներուն էփոլէ-ժըթէի արծաթ մետալը շահած էր:

Նարեկ Մկրտչեան (85 քլկ․) փոքր պրոնզ մետալ նուաճեց, պոկում վարժութեան մէջ բարձրացնելով 153 քլկ․։