Թեհրանի Մեթրոյին Մէջ՝ 1980–1988 Պատերազմին Զոհուած Հայ Զինուորներու Դիմանկարներու Ցուցադրութիւն
Թեհրանի մէջ «Մարիամ-է Մողատտաս» («Օրհնեալ Կոյս Մարիամ») մեթրոյի կայարանին մէջ տեղի ունեցաւ 1980-1988ի Իրան-Իրաք պատերազմին զոհուած հայ զինուորներու դիմանկարներու ցուցահանդէս։ Լուրը կը հաղորդէ «Առաջին Մերձաւորարեւելեան» թելեկրամեան ալիքը:
Իրանի մէջ կայ աւանդութիւն` ամէն տարի այցելելու Իրան-Իրաք պատերազմին զոհուած քրիստոնեայ զինուորներուն ընտանիքներուն: Սուրբ Ծննդեան նախօրէին նման այցելութիւններ կը կատարեն պետութեան բարձրաստիճան ներկայացուցիչները, նեռարեալ՝ երկրի գերագոյն առաջնորդը:
«Մարիամ-է Մողատտաս» մեթրոյի կայարանը անուանուած է Իրանի հայկական համայնքին ի պատիւ եւ դարձած է Թեհրանի մէջ անոր պատմական ներկայութեան խորհրդանիշներէն մէկը: