Հայաստանը Վրաստանի Մէջ ՆԱԹՕ-ի Զօրավարժութիւններուն Պիտի Մասնակցի

Հայաստանը՝ չորս հոգիով՝ Վրաստանի մէջ պիտի մասնակցի ՆԱԹՕ-ի «Ազնիւ գործընկեր 2018» (Noble Partner- 2018) բազմազգ զօրավարժութիւններուն: Այս մասին, ըստ Armenpress.am-ի, ըսած է ՀՀ ՊՆ մամուլի քարտուղար Արծրուն Յովհաննիսեան:

«Հայաստանը պիտի մասնակցի զօրավարժութիւններուն: Վրաստան պիտի մեկնի Հայաստանի զինուած ուժերու չորս սպայ»,- ըսած է ՊՆ մամուլի քարտուղարը:

Զօրավարժութիւնները պիտի իրականացուին Օգոստոս 1-15, անոնց պիտի մասնակցին ՆԱԹՕ-ի անդամ եւ դաշինիքի գործընկեր երկիրներ: