Յունահռոմէական Ոճի Երիտասարդ Ըմբիշները Միջազգային Մրցաշարին 9 Մետալ Նուաճած են

Յունահռոմէական ոճի ըմբշամարտի Հայաստանի մինչեւ 23 տարեկաններու հաւաքականը 9 մետալ նուաճած է Ռուսիոյ Ռիազան քաղաքին մէջ իրականացուած միջազգային մրցաշարին: Այս մասին ԵՌԱԳՈՅՆ-ը կը տեղեկանայ Panorama.am-էն։

Հայաստանի խումբը մրցաշարին մասնակցած է 11 ըմբիշներով, որոնք նուաճած են 6 ոսկի, 1 արծաթ եւ 2 պրոնզ մետալ:

Մրցաշարի յաղթողի կոչումը նուաճած են Կարապետ Մանւէլեան (55 քկ), Սուրէն Աղաջանեան (60 քկ), Սահակ Յովհաննիսեան (63 քկ), Հայկ Մելիքեան (67 քկ), Կարէն Խաչատրեան (82 քկ) եւ Հայկ Խլոյեան (97 քկ):

Հայաստանի միւս ներկայացուցիչ Աշոտ Խաչատրեան (67 քկ) արժանացած է արծաթ, Աշոտ Կիրակոսեան (77 քկ) եւ Յովհաննէս Յարութիւնեան (87 քկ)՝ պրոնզ մետալներու:

Հայ ըմբիշները մրցաշարին մասնակցած են Արմէն Բաբալարեանի եւ Մովսէս Կարապետեանի գլխաւորութեամբ:

Յիշեցնենք՝ Եգիպտոսի Ալեքսանդրիա քաղաքին մէջ Փետրուար 23-26 պիտի իրականաացուի Իպրահիմ Մուսթաֆայի անուան միջազգային մրցաշարը, ուր Հայաստանը ներկայացուած պիտի ըլլայ միայն ազատ ոճայիններու պայքարին մէջ:

Յաբէթնակ Կուրղինեանի գլխաւորութեամբ հանդէս պիտի գան Մանւէլ Խնձրցեան (57 քկ), Արսէն Յարութիւնեան (61 քկ), Վազգէն Թեւանեան (65 քկ), Արման Անդրէասեան (70 քկ), Հրայր Ալիխանեան (74 քկ) եւ Արման Աւագեան (79 քկ):

Մրցաշարին պիտի մասնակցին աշխարհի 48 երկրի ներկայացուցիչներ։