Լուսիկ Քոշեան. Ժողովրդական Երգչուհի

Ծնած է Պաքու, 1921-ին։ 1938-1961 թուականներուն եղած է հայկական ժողովրդական երգի-պարի անսամպլի առաջնակարգ մենակատարուհի, 1961-1984` հայֆիլհարմոնիայի մենակատարուհի:

Կատարողական վարպետութիւնը ձեւաւորուած է անսամպլի մէջ՝ Թաթուլ Ալթունեանի, Իլիա Արբատովի, Է. Մանուկեանի ղեկավարութեամբ: Անոր կատարումով լայն ճանաչում գտած են «Բինգէոլ», «Մաճկալ»,
«Ես պուճուր եմ», «Լուսնեակ գիշեր», «Ջաղացս պատիկ-պատիկ» ժողովրդական,
գուսաններ՝ Ջիվանիի, Շերամի, Հաւասիի, Աշոտի, Շահէնի երգերը։

Հանդէս եկած է ԽՍՀՄ քաղաքներու եւ այլ երկիրներու մէջ։

Պարգեւատրուած է Պատուոյ շքանշանով։ 1961-ին արժանացած է ՀԽՍՀ ժողովրդական արտիստի կոչման։

Մահացած է 1984-ին, Երեւանի մէջ: