Նատեժտա Սարգսեան. Երգչուհի

Նատեժտա Սարգսեան ծնած է 1954-ին, Երեւան։ 1971-ին աւարտած է հայֆիլմի շարժանկարային դերասանի արուեստանոցը, 1992-ին՝ Մոսկուայի թատերարուեստի ուսումնարանը։ 1973-1978թթ.«Սերպանտին» վոկալ-գործիքային անսամպլի,1978-1987թթ. Հայաստանի պետական
էսդրատային նուագախումբի մենակատար, 1988-1992թթ՝ «Հայեր» անսամպլի եւ մշակութային կեդրոնի գեղարուեստական ղեկավար, 1992-էն, միաժամանակ՝ «Էնի Բի» կեդրոնի տնօրէն, «Տօ-ռէ-մի» մրցոյթի եւ վոկալ արուեստանոցի հիմնադիր եւ գեղարուեստական ղեկավար, 2003-էն՝ Երեւանի մշակոյթի պետական քոլէճի տնօրէն։

1995-1999թթ. եղած է ՀՀ Ազգային Ժողովի պատգամաւոր, ֆինանսավարկային, պիւտճէի եւ տնտեսական հարցերու մշտական յանձնաժողովի անդամ։ 2007-էն Հայաստանի Հանրային հեռուստաընկերութեան մէջ եղած է բազմաթիւ նախագիծերու պատասխանատու՝ «Տարեմուտի երեկոյ 2008», «Երկու աստղ» եւ
այլն։ 2008-2009թթ. եղած է «Մանկական Եւրոտեսիլ» եւ «Նոր ալիք» երգի միջազգային մրցոյթներու Հայաստանը ներկայացնող պատասխանատու, նաեւ ընդգրկուած է Հանրային խորհուրդի «Կրօնի, սփիւռքի եւ միջազգային ընդելուզման» յանձնաժողովին մէջ։ Հիւրախաղերով այցելած է աշխարհի 40 երկիր։
Երգչուհիի երգացանկին մէջ եղած են՝ Կոնստանթին Օրբելեանի, Ռոպերթ Ամիրխանեանի, Մելիք Մաւիսագալեանի, Արամ Սաթեանի, Ստեփան Շաքարեանի եւ այլոց երգերը: 2010ի-ն ստացած է ՀՀ մշակոյթի վաստակաւոր գործիչի կոչում։ Մահացած է 2018-ին։

Նատեժտան քանդակագործ Դաւիթ Պեճանեանի կինն է, երգչուհի Էմմիի՝ մայրը։