Հայ Դաշնակահար Արթուր Գրիգորեան՝ Միջազգային Մրցոյթի Յաղթող

Երեւանի պետական երաժշտանոցի ուսանող, «Մեկնարկ» տաղանդի զարգացման նպատակային ծրագրի անդամ Արթուր Գրիգորեան (ուսուցիչ՝ Արմէն Բաբախանեան) միջազգային մրցոյթին արժանացած է Առաջին մրցանակի։ Այս մասին կը յայտնեն ՀՀ ԿԳՄՄ նախարարութենէն։

Սեպտեմբեր 20-30, Լեհաստանի մէջ կայացած է Տկաչեւսկիի անուան դաշնակահարներու 6-րդ միջազգային մրցոյթը, ուր Հայաստանի ներկայացուցիչը հանդէս եկած է փայլուն ելոյթով։

Առաջին մրցանակէն բացի՝ անոր շնորհուած է նաեւ Յատուկ մրցանակ, որ կը ներառէ 4 տարուան կրթաթոշակ՝ (տարեկան 19.000 ԱՄՆ տոլար) Հարաւային Թենեսսի համալսարանին մէջ ուսանելու նպատակով։

Մրցոյթին մասնակցած են 260 պատանի եւ երիտասարդ դաշնակահար՝ 33 երկրէ։