Պարսելոնայի Մէջ Գործող Հայ Վարորդները Կ՝առաջարկեն Անվճար Տեղափոխել Բուժաշխատողները

Սպանիոյ Պարսելոնա քաղաքին մէջ պսակաւոր ժահրի տարածման հետեւանքով ստեղծուած իրավիճակին հետ կապուած՝ Taxi ծառայութիւն մատուցող հայ վարորդները հանդէս եկած են նախաձեռնութեամբ: Այս մասին, Facebook-ի իր էջին միջոցով կը տեղեկացնէ Սպանիոյ մէջ ՀՀ դեսպանատունը:
«Taxi-ի հայ վարորդները այս դժուար պահերուն կ՝առաջարկեն անվճար տեղափոխել բուժաշխատողները»,- նշած է դեսպանատունը՝ կիսուելով Facebook-ի վրայ «Los Armenios» խումբին մէջ տեղադրուած՝ բժիշկները անվճար տեղափոխելու մասին յայտարարութիւնը: Մարտին Կիրակոսեանը, Անդրանիկ Պետրոսեանը, Աբարահամ Յակոբեանը, Էդգար Աւետիսեանը, Արթուր Մարտիրոսեանը, Արմէն Ազարեանը, Հայկ Եղիկեանը, Դաւիթ Փիլոսեանը եւ ուրիշներ յայտարարութեան հետ միասին հրապարակած են իրենց հեռախօսահամարները:
Յայտարարութեան տակ՝ բազմաթիւ օգտատէրեր՝ իրենց շնորհակալութիւնը կը յայտնեն հայ վարորդներուն նման մարդասիրական նախաձեռութեան համար: Շատ շնորհակալութիւն, գերազանց նախաձեռնութիւն, կեցցէք, ծափահարութիւններ ձեր համերաշխութեան համար. այս եւ այլ ձեւակերպումներով արձագանգած են օգտատէրերը: