Օլեգ Եսայեանը Ետ Կանչուած է Պելառուսիոյ Մէջ Հայաստանի Դեսպանի Պաշտօնէն. Անոր Փոխարէն Նշանակուած է Արմէն Ղեւոնդեանը

Հայաստանի Հանրապետութեան նախագահ Արմէն Սարգսեան, հիմք ընդունելով ՀՀ վարչապետի առաջարկը, ետ կանչած է Պելառուսիոյ մէջ Հայաստանի արտակարգ եւ լիազօր դեսպան Օլեգ Եսայեանը։ «Հիմք ընդունելով վարչապետի առաջարկը` համաձայն Սահմանադրութեան132-րդ յօդուածի 1-ին մասի 2-րդ կէտի՝ Օլեգ Եսայեանը ետ կանչել Պելառուսիոյ Հանրապետութեան մէջ Հայաստանի Հանրապետութեան արտակարգ եւ լիազօր դեսպանի պաշտօնէն»,- ըսուած է ՀՀ նախագահի հրամանագրին մէջ: Մէկ այլ հրամանագիրով՝ նախագահ Սարգսեան Օլեգ Եսայեանը ետ կանչած է Անկախ պետութիւններու համագործակցութեան (ԱՊՀ) կանոնադրական եւ այլ մարմիններու մէջ Հայաստանի Հանրապետութեան մշտական եւ լիազօր ներկայացուցիչի պաշտօնէն:

ՀՀ նախագահի մէկ այլ հրամանագիրով Պելառուսիոյ մէջ Հայաստանի Հանրապետութեան արտակագ եւ լիազօր դեսպան նշանակուած է Արմէն Ղեւոնդեան (նստավայրը` Մինսկ)»,- Մէկ այլ հրամանագիրով Ղեւոնդեանը նշանակուած է ԱՊՀ եւ այլ մարմիններու մէջ Հայաստանի Հանրապետութեան մշտական եւ լիազօր ներկայացուցիչ: