Գոռ Սահակեանը Եւրոպայի Առաջնութեան Նուաճեց 3 Ոսկի Մետալ՝ Հռչակուելով Ախոյեան

Հայաստանը առաջին ոսկի մետալները նուաճեց Երեւանի մէջ իրականացուող ծանրամարտի Եւրոպայի առաջնութեան։ Այս մասին կը հաղորդէ News.Sport.am-ը։

Երկամարտի 320 քկ արդիւնքով 67 քկ քաշային կարգի մէջ հաւասարը չունեցաւ Գոռ Սահակեանը։

Երիտասարդներու Եւրոպայի կրկնակի ախոյեանը պոկում վարժութեան մէջ առաջին մօտեցմամբ վստահութեամբ բարձրացուց 140 քկ-ը: Երկրորդ մօտեցման համար Փաշիկ Ալաւերդեանը պատուիրեց 145 քկ, երիտասարդ ծանրորդը երկրորդ մօտեցումն ալ շատ վստահ կատարեց եւ 4 քիլոկրամով շրջանցեց թուրք մրցակիցը: Երրորդ մօտեցման 147 քկ-ը ձախողեցաւ: Այս վարժութեան մէջ նուաճեց փոքր ոսկի մետալ:

Հրում վարժութեան մէջ Գոռ Սահակեանը պայքարը սկսաւ 170 քկ-էն եւ վստահութեամբ բարձրացուց ծանրաձողը: Երկրորդ մօտեցման համար Հայաստանի մարզիչները եւս 5 քկ աւելցուցին: 175 քկ-ը եւս երիտասարդ ծանրորդը հրեց: Երրորդ մօտեցումէն Սահակեանը հրաժարեցաւ: Այս վարժութեան մէջ ալ երիտասարդ ծանրորդը նուաճեց փոքր ոսկի մետալ: Եւրոպայի նորընծայ ախոյեանը 15 քկ-ով շրջանցեց իր մրցակիցները:

Եւրոպայի արծաթէ մետալակիր դարձաւ Սպանիան ներկայացնող Խուան Ագարան Մենտոսան երկամարտի 305 քկ արդիւնքով (140+165), պրոնզէ մետալակիր՝ թուրք Գաան Գահրիման 301 քկ (141+160):